गिबियावनो केरियार गाइड इन बड’ ब्लागआव बरायनाय जाबाय।दिनै जों मानगोनां मदाराम ब्रह्म बिथांनि बागै सुंद’यै मोनथिगोन।बिथांआ बबे जायगायाव जोनोम जादोंमोन?बिथांआ मा मावोमोन?बिथांआ मा मा खन्थाइ लिरदोंमोन ?बेफोर गासैनिबो बागै जों दिनै एसेब्लाबो मोनथिनो मोनगोन।

मदाराम ब्रह्मनि जिउखौरां:

मदाराम ब्रह्मआ इं 1903 माइथायाव कक्राझार जिल्लानि धुनधुनिखाटा गामियाव जोनोम जादोंमोन।

बिथांङा 6 सेप्तेम्बर 1990 मायथाइयाव रुंसारि जादोंमोन।

बिथांनि बिफानि मुंआ रस्ना ब्रह्म आरो बिमानि मुंआ बैसागि ब्रह्म।

इं 1923 मायथाइआव धुबुरि गौजौ फरायसालियाव फरायनानै मेट्रिक आनजादखौ उथ्रिना कटन कलेजाव फरायहैदोंमोन।

इं 1932 मायथाइयाव बै समनि हरिसिंङा माइनार फरायसालिनि गाहाइ फोरोंगिरि जाहैदोंमोन।

इं 1945 माइथायाव लकेल बर्डनि सोद्रोमा जादोंमोन।

इं 1948 माइथायाव दतमा Block Development Board नि मावख’गिरि (BDO) जादोंमोन।

इं 1961 माइथायाव साख्रिनिफ्राइ जिरोन लादोंमोन।

इं 1985 माइथायाव थुनलाइयारि पेन्सन मोन्दोंमोन।

इं 1988 माइथाइयाव भारत सरकारनिफ्राय पद्मश्रि मुं बान्था मोनदोंमोन।

बिथांनि बर’नि गुदि सिबसा आरो आरज खन्थाइ बिजाबआ इं 1926 माइथायाव ओंखारदोंमोन।

बर’नि गुदि सिबसा आरो आरज खन्थाइ बिजाबा गांसे खन्थाइ आरो आरज मेथाइनि बिजाब।

बिबार मुगायाव बाथौ धोरोमनि सानथौखौ गुवारै फोरमायनानै होनाय गांसे खन्थाइ बिजाब नुजादोंमोन।बे बिथाबा जादों- बर’नि गुदि सिबसा आरो आरज।

बर’नि गुदि सिबसा आरो आरज बिजाबखौ फोसावनाय समाव बिजाबनि लिरगिरि बिथां मदाराम ब्रह्मनि बैसोआ 23 बैसोमोन।

Read also……